lipu kule

ilo alasa

o kama sitelen e lipu kule!

#lipu kule

lipu 4 li lon

nasin sitelen pona mute li lon. taso ala li jo e kon sama linja Inter. ni la, akesi Jan li open pali e nasin linja sin. ona en linja Inter li pona lon poka a!

mi mute li wile e sitelen pona sina. lipu ni li tan jan pi toki pona. sina ken lukin e ni la, sina jan pi toki pona. o kama sitelen! sina pali e sitelen sin la, o pana e ni tawa jan pali pi lipu kule. sina ken kama lon kulupu Discord pi lipu kule. ni la, o pana e sitelen sina lon kulupu ni. o kepeken ni: discord.gg/TmReVRxG8Z sina ken pana e lipu E-mail tawa jan pali pi lipu kule.

lipu kule li tan wile pi jan mute. lipu kule li tan pali pi jan mute. jan mute li lon nasin mute. taso jan pali ali li wile e ni: lipu ni o nasin pona. mi ken sitelen mute e nasin pona. taso mi sitelen e ni kepeken toki lili. o kama sona e nasin pona pi lipu kule. mi la, ‘pona’ li seme? mi wile e ni: lipu ni li pona tawa jan mute pona.

lipu sin pi toki pona li kama lon. nimi ona li ‘lipu tenpo’. jan pali pi lipu tenpo li wile pana e lipu sin lon tenpo mun kama. toki pona la, ona li lipu nanpa wan sama ni. jan lawa pi lipu tenpo li toki e ni: “sina wile sitelen tawa lipu ni la, o sitelen ala e ijo pi nasin jan. sina ken sitelen e ijo lon tenpo ni. taso, sina ken ala pana e pilin sina lon sitelen sina.