tenpo mute la jan li wile kama jo e nimi ISO (ISO-639-3) tawa toki pona.

tan seme

nimi ISO li pana e ken mute tawa toki pona:

• nimi ISO li tan sona tawa ilo. nimi ISO li lon la ilo mute li ken sona e lon pi toki pona. nimi ISO li lon ala la ilo mute li ken ala sona e lon pi toki pona. ilo li wile e nimi ISO tawa sona toki.
• nimi ISO li sitelen e ni: toki pona li toki sin ala. ona li toki pi jan mute li jo e pali mute. ni li lon ala la jan li pilin e ni: toki pona li toki sin li jo ala e pali mute.

nasin seme

kulupu pali pi nimi ISO tawa toki pona li kama lon. jan suli mute li kama. jan lawa pi ma pona pi toki pona li kama. jan pali pi lipu kule li kama. jan pali pi ilo Amikumu li kama. jan Sonja li kama. jan suli ante li kama. jan ni li jo e wile wan: o lanpan e nimi ISO tawa toki pona.

ona li alasa e ijo suli pi toki pona. ona li alasa e lipu suli e sitelen suli e ijo ante suli. ona li alasa kin e ijo lili mute.

ni li pana e sona ni tawa kulupu SIL: toki pona li toki lon li jo e pali mute e jan mute.

kulupu SIL

kulupu ISO li sona ala e toki. ni la, ona li pana e pali pi pana nimi toki tawa kulupu SIL. kulupu SIL li kulupu toki li kulupu Kisan. ona li wile kama sona e toki mute. ona li wile kepeken e sona ni tawa pana lipu sewi ona tawa ma ale. ona li tan pi sona mute pi toki ma ale.