o sona e ni: mi toki e ike tawa meli, tawa mije, tawa tonsi, tawa jan kule. tenpo li kama li pini la, kulupu li kama ante. jan mute li wile e ni: kulupu li pona tawa jan ale. taso en tenpo lon en tenpo pini la, ni li lon ala. kulupu li ike tawa jan mute. pakala ante mute li lon. nasin pakala wan li nasin pi utala meli mije.
nimi suli ni li powe lili. toki luka li ken sin li ken toki pali. en luka pona en luka Kesuno (Gestuno) en luka Nawi (Na'vi Sign Language) li sin li toki pali. kin la, en nasin toki Makaton en nasin luka pi toki uta (toki Inli luka - SEE, toki pona luka pu) li sin li tan pali jan li toki ala. jan li pali e ona ale. taso toki luka pi ma ante mute li toki pali ala tan ni: ona li kama tan tenpo pini li mama tan kulupu pi jan pi kute ala.
tonsi li seme? nimi ‘tonsi’ la, kepeken tu wan li lon. kepeken nanpa wan la, tonsi li mije ala li meli ala. kepeken nanpa tu la, kon pi nimi tonsi li ni: jan li mije tawa meli, anu jan li meli tawa mije, anu jan li meli anu mije tawa tonsi. kepeken nanpa tu wan la, kon pi nimi tonsi li ni; jan anu ijo li lukin meli ala li lukin mije ala.